臺北大巨蛋遠東 Garden City 全攻略：莫內花園美景、美食街、B1美妝香氛與交通指南

點贊

臺北大巨蛋遠東 Garden City莫內花園

【美食餐券】米其林必比登推薦：雙月食品社 - 臺北多分店

23:59前可訂今天

HKD 73 起

預訂

去臺北旅行或者行街，依家多咗一個極具規模嘅全新地標！位於台北大巨蛋嘅「遠東 Garden City」自從登場以嚟，一直係人氣極高嘅消閒好去處。商場由 B2 一路延伸到 8 樓，集結咗超過百間人氣餐飲、潮流品牌、美妝香氛同親子樂園。今次就同大家詳細拆解遠東 Garden City 嘅各樓層精華，無論係揾食、行街定係打卡影靚相，睇呢篇就啱曬！

莫內花園與台北 101 絕美景觀

遠東 Garden City B 區最令人驚艷嘅特色，就係以「莫內花園」為主題，從 7 樓一路延伸到 8 樓。整體以城市花園做設計概念，透過精緻嘅花藝造景、植栽意象、柔和色調與挑高空間，打造出綠意盎然嘅百貨休閒氛圍。

雖然現場並唔係全真實花草，但視覺效果極具層次感。尤其 7 至 8 樓搭配咗大片落地窗，可以直接眺望台北 101 同國父紀念館一帶嘅繁華市景。如果天氣好嘅話，景色絕對靚到令人驚嘆，絕對係成間 Garden City 最值得打卡影相嘅區域！

B2 美食街與吃貨必訪人氣甜點

行到肚餓想揾嘢食？B2 簡直係為食主義者嘅天堂！整層規劃咗近 3000 坪嘅寬敞美食空間，集結咗超過 80 家餐飲、熟食、甜點、伴手禮及超市，仲有大約 550 個公共座位。無論係睇球賽定係睇演唱會之前想快手食飽，落嚟 B2 揾食最方便不過。

B2 嘅餐飲種類極之多元，由台灣地道小吃、日式咖哩、拉麵、壽司、天婦羅，到韓式料理同各種異國美食應有盡有。例如有 CoCo壹番屋、天吉屋、吐司男、豆腐裏、開井燒肉vs丼飯等品牌。除咗正餐之外，仲有唔少過江龍甜點同伴手禮，包括日本京都宇治百年抹茶品牌「田頭茶鋪」、現做日式「桐生可麗餅」、長崎百年蜂蜜蛋糕「福砂屋」，以及人氣爆燈嘅菲律賓 Potato Corner 薯條、神户風月堂、義大利 Venchi 巧克力等，行一轉絕對會陷入選擇困難症！此外，日本人氣超市 LOPIA 亦預計於 2026 年第四季進駐，日後必定會成為搶手熱點。

B1 美妝香氛與潮流運動專區

B1 樓層可以話係整個 Garden City 相當有特色嘅區域，一邊係超大型美妝香氛區，另一邊則集結咗超過 30 個知名運動品牌，中間更設有全台首創、高達 8 米嘅「香水噴泉」巨型藝術裝置，充滿現代感同互動趣味。

在保養彩妝方面，TOM FORD Beauty 打造咗全台獨家櫃位，LA MER 同肌膚之鑰亦設有大型護膚空間。而運動品牌方面，除咗 NIKE STYLE 全台首店之外，仲有 New Balance「NB RUN」百貨首店、PUMA 嶄新店裝，以及主調健身休閒服飾嘅韓國人氣品牌 HDEX，無論想買波鞋定係運動裝備都一應俱全。同層仲有小米 3C 專櫃同多款鞋履特區，行得非常過癮。

1F 至 6F：國際精品、咖啡輕食與智慧家電

商場 1 樓主打國際精品與高端時尚品牌，如 TOD’S 打造全台最大店，Valextra、Chopard 等亦一應俱全，仲有法國人氣冰淇淋 Amorino。2 樓則有 GEORG JENSEN、PREMIATA 及 The North FACE 精品店型。3 樓集結咗日本神乃珈琲海外首店、GELATO PIQUE CAFE 複合式生活體驗店以及 NESPRESSO。4 樓主編户外休閒與高爾夫運動，進駐左 BOGEY BOGEY、GARMIN、ECCO、Timberland 等品牌，仲有全球獨家概念店 Texas Roadhouse 德州鮮切牛排。

5 樓小小森世界：親子放電首選

如果係一家大細去行街，5 樓嘅「小小森世界」絕對係必去嘅親子空間。呢度以森林為主題，打造出挑高至 6 樓嘅 THANQ PARK。

場內最大亮點係高達 6 公尺嘅巨型樹屋同小熊造型溜滑梯，一旁仲規劃咗陽光球池及親子閲讀空間。只要用 SOGO APP 加入 ThanQ Club 會員並出示小朋友健保卡，0 至 12 歲嘅小朋友仲可以免費入場體驗。同層仲有 Baby GAP、The North Face Kids 等童裝品牌，甚至有專為小朋友而設嘅丹尼索 Kids Hair 剪髮服務，帶小朋友嚟可以玩足大半日。

7F 至 8F：世界風味花園與景觀餐廳

7 樓及 8 樓係 Garden City 餐廳最集中嘅樓層。7 樓有新加坡 Chatterbox Café、京都二條苑がんこ、金澤美味壽司等；8 樓則有米其林一星背景嘅台北鳥喜、The Grill by A CUT、台中老字號沁園春、頁小館、APINARA 等話題餐館。配合同層嘅莫內花園數位池塘同台北 101 落地窗景，真係無論係視覺定係味覺都係一大享受！