臺北藝文新地標！空總國家文化基地「晴空季2026」攻略 必看16大地景藝術+週末市集懶人包

【美食餐券】微酵甜心 - 捷運景安站

23:59前可訂今天

HKD 11 起

預訂

【美食餐券】米其林必比登推薦：雙月食品社 - 臺北多分店

23:59前可訂今天

HKD 73 起

預訂

飛台北又有文青新景點可以朝聖！位於台北市大安區建國南路與仁愛路口嘅「空總國家文化基地」（簡稱：文化空總），全園佔地成7公頃咁大。呢度喺日治時期原本係「台灣總督府工業研究所」，去到戰後就變身做國防部空軍總司令部，一直係最高級別嘅空防與作戰指揮機關。

自從2012年空軍總司令部搬遷之後，園區就一步步展開歷史建築嘅修復同活化工程。2018年由文化部接手後，正式轉型成開放畀公眾使用嘅當代藝術空間「台灣當代文化實驗場 C-LAB」，提供當代藝術、科技藝術同埋表演藝術嘅實驗展演場地，亦成日舉辦國家級展覽同國際特展。園區完整保留咗多棟超有代表性嘅歷史建築，再結合綠地，打造出古蹟廣場、未來廣場、東西草坪、穹頂劇場（DOME）同台灣聲響實驗室等，就連舊有嘅加油站同籃球場，都搖身一變成為超有特色嘅策展空間！

好消息係，由2026年8月起，空總嘅舊辦公大樓同戰情大樓終於修復完畢兼正式開放！文化部特別舉辦盛大嘅旗艦型跨界文化活動「晴空季2026」，以「跨域基地」、「文化潮流」同「台灣發表」做三大主軸，將整座歷史古蹟園區打造成一座開放式嘅「文化機場」。全個「晴空季2026」由8月一直延續到11月中，展覽內容橫跨表演藝術、地景裝置、光影、聲音同視覺等多種媒介，仲串聯埋「2026 台灣文博會」同「台北時裝週」等國家級盛會。每個週末仲有沉浸式特務導覽同主題風格市集，主打「打破展間限制」，等大家去台北玩嗰陣可以好輕鬆咁將當代藝術融入日常行程！

「晴空季2026」開放時間與入場方式

準備去台北自由行嘅朋友，記得先睇睇基本活動資料：

* 展覽日期：2026年8月1日（六）至 11月15日（日）

* 開放時間：户外園區全天候免費開放；室內展館開放時間依各展覽公佈為準（大部分為 10:00–18:00 或 11:00–19:00，每逢星期一休館）。

* 活動地點：空總國家文化基地（台北市大安區建國南路一段177號）

* 入場門票：户外園區免費入場，部分表演節目或指定特展需要事前預約或買票。

晴空季2026三大重點亮點

亮點一：國家級展會與國際大展輪番上陣

「晴空季2026」集合咗多個國家級展會同國際特展。8月打頭陣嘅係「2026 台灣文博會：第零位元」，同步推出聚焦戰後歷史嘅「GOOD LUCK! 骨力台灣 —— 終戰八十特展」；9月接棒嘅係 a-We 台灣主題特展「a～～～Wemoji！」；嚟到10月中仲會舉辦時尚界盛事「2026 台北時裝週 SS27」。

國家級展場展覽時間表

| 展覽／活動名稱 | 活動日期及時間 | 展出地點 | 入場須知／備註 |

| 2026 台灣文博會《第零位元》 | 2026.08.01 - 08.31
10:00–18:00 | A1 古蹟大樓 | 17:30 起停止入場 |

| 2026 台北時裝週 SS27 | 2026.10.15 - 10.18 | A1 古蹟大樓 | — |

| 《GOOD LUCK! 骨力台灣——終戰八十特展》 | 2026.08.01 - 11.15 | A1 古蹟大樓 | 8月：10:00–18:00
9月起：11:00–19:00
逢星期一休館（公眾假期照常開放） |

| a-We 台灣主題特展《a～～～Wemoji！》 | 2026.09.04 - 11.03
11:00–19:00 | D1 圖書館展演空間 | 逢星期一休館（公眾假期照常開放） |

亮點二：16件地景藝術巡禮！日夜美拍光影裝置

園區特別安排咗16件視覺藝術作品，希望透過「藝術縫合」將歷史建築同户外空間完美結合。不論係廣場、草坪、榕樹下、籃球場、舊加油站定係建築物周邊，都佈滿咗裝置藝術、燈光、聲響同彩繪，等大家從日光日白嘅地景打卡，一路玩到夜晚欣賞迷人光影。

另外，C-LAB未來視覺實驗室嘅「FUTURE VISION LAB實驗展演計畫」亦配搭 DOME 外觀改造，喺8月每逢星期五、六、日於穹頂劇場推出一連串超震撼嘅沉浸式穹頂影音展演！

日間必睇打卡地景

* 豪華朗機工《空總．家靜》（地點：未來廣場）：從空總歷史建築嘅結構語彙出發，打造出大型複合裝置，塑造出可以畀觀眾穿梭同相遇嘅空間。

* 徐婷《走在雲的陰影處》（地點：空總劇場前廣場）：引導大家透過一步步行走去觀賞，感受明暗與虛實之間嘅空間變化。

* 劉致宏《軌跡》（地點：籃球場）：以超大尺度嘅繽紛彩繪重新描繪户外籃球場，打卡視覺效果一流。

* 劉文瑄《手雨》（地點：舊加油站）：喺舊加油站同周邊榕樹下創作，為原本功能明確嘅舊空間注入輕盈流動嘅新想像。

夜間限定迷人光影

* 丁建中《暗潮5s》（地點：未來廣場）：運用大型燈光裝置喺未來廣場打造可進入、可穿越嘅沉浸式夜光空間。

* 姚仲涵《光電獸49－水風景》（地點：動畫基地前廣場）：以光與電嘅交織，重新轉化夜晚園區嘅場域景觀。

* 有用主張《幻象瀑布—空總》（地點：榕樹廣場）：喺榕樹廣場營造出介乎自然與人工之間嘅奇幻夜間風景。

* 何採柔《I_空總》（地點：西草坪）：透過簡潔明亮嘅光體，重新標示西草坪嘅空間尺度，展現園區夜間嘅另一種面貌。

亮點三：週末限定！表演藝術、市集與沉浸式特務導覽

除了睇靜態展覽之外，園區喺週末仲會化身成充滿活力嘅動態舞台！8月起會陸續舉辦動態巡演、玩聚場藝術節同2026聲徜音樂節。仲有超特別嘅沉浸式導覽《機密漫遊：代號「補空」行動》，大家可以化身做臨時特務，邊解謎邊解鎖空總嘅歷史秘辛！

喺「未來廣場」每個週末仲會有「晴空站」户外市集，一共規劃咗六大主題，集合咗台灣在地品牌、精緻烘焙同特色美食，啱曬一路食一路逛！

晴空匯演｜表演藝術活動時間表

| 節目名稱 | 活動日期 | 展演地點 | 備註 |

| 台灣起飛！八月 | 2026.08.01 - 08.30（每逢星期六、日） | A5 古蹟廣場、A6 西草坪、E3 休憩站、北大道、西大道 | — |

| 台灣起飛！九月 | 2026.09.05 - 09.27（每逢星期六、日） | A5 古蹟廣場、A6 西草坪、D1 圖書館展演空間、E6 籃球場、北大道、西大道 | — |

| 玩聚場藝術節 | 2026.09.12 - 09.13 | A6 西草坪、A7 戰情廣場、B4 未來廣場、C3/C5/C7 展演空間、D2 動畫基地、E6 籃球場 | — |

| 2026 聲徜音樂節 | 2026.09.16 - 09.27 | A8 東草坪、B3 空總劇場、C3 共享吧、C6 台灣聲響實驗室 | — |

| FUTURE VISION LAB @ 晴空季 | 2026.08.01 - 08.30（每逢星期五、六、日 12:00–19:00） | A8 東草坪（穹頂劇場 DOME） | 8/28（五）現場演出節目需預約購票 |

晴空站主題市集列表（地點：未來廣場）

| 主題市集 | 活動日期 | 開放時間 | 主打亮點 |

| 烘焙啟航糕餅集 | 8/22 - 8/23 | 12:00–19:00 | 匯聚精緻烘焙同傳統百年糕點品牌 |

| 時光留聲茶飲島 | 8/29 - 8/30 | 12:00–19:00 | 特色手搖飲品與品茶文化體驗 |

| 台灣風土直送 | 9/05 - 9/06 | 12:00–19:00 | 嚴選台灣在地風土食材與原創品牌 |

| 玩聚場烏託邦 | 9/12 - 9/13 | 12:00–19:00 | 結合獨立書店與質感選物店 |

| 油香氣夜航派對 | 9/19 - 9/20 | 9/19：12:00–20:30
9/20：12:00–19:00 | 唯一延長營運至夜間嘅香氣主題派對 |

| 中秋月圓派對 | 9/26 - 9/27 | 12:00–19:00 | 中秋節連假主題慶典市集 |

實用貼士：交通與前往方式

空總園區位於台北市中心，鄰近捷運忠孝新生站同忠孝復興站。由於園區內部並無開放畀一般民眾泊車，建議大家盡量搭台北捷運或巴士前往，方便又快捷。

1. 捷運路線

* 忠孝新生站（3號出口）：搭乘板南線或中和新蘆線，喺3號出口出站後，沿忠孝東路步行至建國南路與濟南路口（步行約10分鐘），即可抵達園區西入口。

* 忠孝復興站（2號出口）：搭乘板南線或文湖線，喺2號出口出站後，沿忠孝東路步行至248巷左轉，往仁愛路方向前行（步行約6分鐘），即可抵達園區東入口。

2. 巴士路線

* 仁愛建國路口一站（靠近仁愛路入口）：可搭乘 37、226、270、311、630、651、通勤27、仁愛幹線、1728。

* 正義郵局／空軍總部站（靠近濟南路入口）：可搭乘 204、212、232、262、298、299、600、605、953、紅57、1061、1062、1800、1815、S33、忠孝幹線。

3. 周邊自駕泊車指南

若私家車前往，可使用周邊停車場：

* 建國高架橋下停車場：台北市建國南路一段181號（鄰近建國南路側）

* 仁愛帝寶停車場：台北市建國南路一段222號（靠近仁愛路口）

* 億光大樓站停車場：台北市大安區建國南路一段105–135號（鄰近建國南路側）

* 台北市農會停車場：台北市大安區復興南路一段340巷（近仁愛路口）

* 附中公園站停車場：台北市大安區復興南路一段340巷11號（近仁愛路口）

*無障礙泊車小提示：如同行人士有無障礙泊車需求，可喺園區活動期間預先致電服務中心登記安排。*

【美食餐券】新北平溪分駐所電子天燈門票

23:59前可訂今天

HKD 25 起

預訂

【美食餐券】新北八裏樂福卡丁車體驗

可預訂2026-11-06

HKD 140 起

預訂