新加坡兩大新景點入圍2026年《Time》全球最佳勝地！直擊陳旭年潮州大宅與萬禮雨林野生動物園

點贊

新加坡旅遊2026世界最佳勝地Tan Yeok Nee大宅

近年去新加坡旅行，仲以為得嗰幾個傳統地標？《Time》（時代雜誌）剛剛公佈咗 2026 年度嘅「全球最佳勝地」（World’s Greatest Places）榜單，其中新加坡嘅兩個全新景點成功突圍而出，打入全球百大及亞洲區的精選名單之內！比起上一年得一間酒店上榜，今次新加坡喺「必訪景點」類別大放異彩，分別係充滿歷史韻味嘅傳統大宅，以及主打沉浸式自然生態嘅大型野生動物園。各位香港旅客係時候將呢兩個新地方加入你哋嘅新加坡行程清單入面喇！

【景點門票】新加坡濱海灣花園門票

可預訂明天

HKD 31 起

預訂

【景點門票】新加坡科學中心門票

可預訂明天

HKD 61 起

預訂

歷史與奢華交織：陳旭年大宅全新重生

首個上榜嘅焦點景點係位於市內、歷史悠久嘅 House of Tan Yeok Nee（陳旭年大宅）。呢座擁有 140 年歷史嘅潮州大宅，係新加坡最後僅存嘅同類傳統建築，絕對充滿深厚嘅文化底藴。大宅以往一直未有對外開放，經過長達三年嘅精心修復工程後，呢個被列為國家古蹟嘅地方終於以全新面貌示人。建築物保留咗精緻絕倫嘅屋頂雕刻，而內部則轉化為一個多元化嘅複合空間，入面設有館內文化藝廊、活動場地，仲有法國與日本料理融合嘅高級餐廳 Loca Niru。喺呢度，大家唔單止可以欣賞到罕見嘅本地歷史建築，仲可以享受高質素嘅餐飲體驗，絕對係感受新加坡多元文化嘅好去處。

走入自然深處：Rainforest Wild Asia 沉浸式雨林探險

另一個毫無懸念上榜嘅人氣景點，就係屬於萬禮野生動物保育區（Mandai Wildlife Reserve）一部分嘅 Rainforest Wild Asia。呢個絕對唔係一般沉浸喺石屎同鐵籠入面嘅傳統動物園，園內擁接近 7,000 種本土植物，極力完美還原野生動物嘅真實熱帶雨林棲息環境。嚟到呢度，大家可以見到老虎、馬來熊、貘以及各種靈長類動物喺度自由自在咁生活。遊覽體驗亦非常獨特，唔係淨係行平路咁簡單，旅客需要透過木橋橫跨溪流，或者行樓梯穿梭於鬱鬱葱葱嘅茂密森林之中。園方雖然設計咗呢種帶有輕度挑戰性嘅路線，但同時亦兼顧到家庭旅客嘅需要，適合唔同年齡層嘅訪客一齊探索。

獨特洞穴餐飲與森林度假村體驗

探險之旅仲未完架！喺 Rainforest Wild Asia 入面，仲有一個以砂拉越姆祿洞穴（Mulu Caves）作為設計靈感嘅主題洞穴餐廳 Cavern，畀大家喺仿如洞穴嘅獨特環境入面享用美食。如果玩得未夠喉，想將呢個行程升格為一個完美嘅小度假，仲可以預訂附近 Mandai Rainforest Resort by Banyan Tree 嘅豪華樹屋Pod，喺森林入面過返一晚夜，享受極致嘅大自然靜謐時光。