首爾自由行必備神級App攻略！叫車/餐廳排隊/退税交通卡一機搞定

去首爾自由行，最怕遇到熱門餐廳排隊排到腳軟、溝通唔到，又或者落街叫車遇到語言障礙。首爾特別市同首爾觀光公社特別為外國旅客推介咗一系列智慧旅遊合作服務，只要手機喺手，裝齊呢幾款神級旅遊App，由食飯訂位、叫車、即時翻譯到支付交通，全部都可以輕鬆搞定！今次駐港編輯就幫大家整理好呢份「智慧首爾之旅」攻略，自由行出發前記得拎出手機 Download 齊備！

【景點門票】2026.10.4-11 第63屆水原華城文化節 | 首爾往返接駁車

可預訂2026-10-04

HKD 61 起

預訂

餐廳預訂與排隊：Catch Table

喺首爾無論係想去網紅打卡店，定係試下米芝蓮星級餐廳，提早預訂真係極之重要。過往好多餐廳都需要韓國本地電話號碼先可以排隊，但 Catch Table 專為外國旅客提供咗極之方便嘅解決方案。

https://www.visitseoul.net/comm/getImage?srvcId=MEDIA&parentSn=80924&fileTy=MEDIA&fileNo=1

透過呢款App，你可以預先訂位，遇到熱門排隊名店仲可以使用「遠程排隊」系統，唔洗喺現場苦等，時間安排自然更靈活。系統支援韓文、英文、繁體中文同日文，介面清晰易用，絕對係首爾美食之旅嘅必備利器。

美食外賣服務：Creatrip

想喺酒店房歎炸雞或者宵夜？Creatrip 提供專為外國遊客而設嘅外賣平台服務。平台支援英文、繁體中文、簡體中文同日文等多達12種語言，就算完全唔識韓文，都唔洗擔心睇唔懂菜單或者唔識落單。

外國人專用叫車App：TABA

喺首爾自由行，有時行到攰或者拎住大包小包，叫車絕對係最舒適嘅選擇。不過傳統叫車App往往需要韓國電話號碼認證，對旅客非常不便。首爾市支持嘅 TABA 就係專為外國旅客打造嘅叫車服務。

https://www.visitseoul.net/comm/getImage?srvcId=MEDIA&parentSn=64514&fileTy=MEDIA&fileNo=1&watermark=N

TABA 嘅最大特色係可以用海外手機號碼直接註冊，免卻繁複嘅認證流程。搜尋地址時仲支援高達33種語言，輸入中文或者英文地址都一樣揾得到，完全唔需要夾硬打韓文。App內仲會整合首爾熱門景點資訊，方便你一鍵叫車直達目的地。

現場即時 AI 翻譯：Flitto

去到旅遊諮詢處或者景點售票處，遇到複雜問題想查詢？Flitto 提供快速準確嘅「即時翻譯解決方案」。系統採用同聲傳譯技術，支援繁體中文、英文、日文等16種語言，幫助旅客同現場工作人員用母語流利溝通。

https://www.visitseoul.net/comm/getImage?srvcId=MEDIA&parentSn=64519&fileTy=MEDIA&fileNo=1&watermark=N

目前呢項服務已經喺光化門廣場諮詢中心同埋首爾觀光廣場1樓嘅遊客咖啡廳（Tourist Cafe）應用，現場設有透明顯示屏同平板設備，即時顯示翻譯文本，溝通完全無障礙。

護照+支付+交通三合一：TripPASS

出門在外要隨身帶住護照同各種卡，既麻煩又怕遺失。TripPASS 係一款結合手機護照技術嘅創新旅遊金融App，將支付、交通卡、即時退税同手機護照功能集於一身。

https://www.visitseoul.net/comm/getImage?srvcId=MEDIA&parentSn=64516&fileTy=MEDIA&fileNo=1&watermark=N

配合 TripPASS 的 2-in-1 實體卡同手機App，只需普通交通卡嘅價格就可以享用多重功能。旅客可以直接透過App隨時隨地為卡片增值，無論係喺免税店、百貨公司、一般商店定係傳統市場消費都一樣可以用，旅行準備10分鐘就能輕鬆搞定。

【景點門票】韓國首爾昌德宮Hanboknam韓服租賃

18:00前可訂明天

HKD 103 起

預訂

體驗未來出行：TAP! 無人駕駛巴士

想體驗最新嘅黑科技？首爾市推出咗 TAP! 無人駕駛平台App，畀市民同旅客體驗預約同乘坐無人駕駛汽車。App支援韓文及英文，俾你喺首爾率先感受未來智慧出行嘅樂趣。

演唱會與展覽門票預訂：Interpark Global

追星族或者文化迷去首爾一定唔可以錯過 Interpark Global。作為韓國大型預訂平台嘅國際版，佢提供 K-POP 演唱會、音樂劇、展覽等最新資訊同門票預訂服務，仲會不定時更新 Pop-up Store 快閃店同各種活動消息，係預訂首爾娛樂行程嘅首選。

實用貼士

1. 提前下載與註冊：建議喺香港出發前先下載好相關 App（如 TABA、Catch Table、TripPASS），並完成手機號碼綁定同帳户註冊，到首爾後就能即開即用。

2. TripPASS 卡片購買：想使用 TripPASS 的實體交通支付功能，可以預先瀏覽其官方網站（https://trippass.net/）查詢實體卡嘅購買地點同詳細使用細則。

3. 即時翻譯服務據點：如果喺首爾市中心遇到行程疑問，可以前往光化門廣場諮詢中心或首爾觀光廣場1樓，體驗 Flitto 透明螢幕嘅即時 AI 翻譯服務。

來源

首爾官方旅遊指南 - 智慧首爾之旅