行程參考

10:10 土莊港遊客中心集合，建議提前10-15分鐘抵達

10:15 準時出發

10:30-11:10 小豆島大觀音，自由觀光

11:25-12:25 寒霞渓，自由觀光，自由午餐

13:10-14:10 二十四只眼睛電影村，自由觀光

14:20-14:40 一德庵，自由選購參觀小豆島特色土特產

14:50-15:20 小豆島橄欖公園，自由觀光

16:15 土莊港觀光中心解散

*行程可能因交通或天候等因素調整

行程亮點

✅土莊港出發，一站式暢遊小豆島經典景點，安排省心唔使煩交通

✅天使之路｜一日僅兩次退潮先會出現嘅沙洲，情侶必訪戀人聖地

✅橄欖公園｜魔女宅急便實景拍攝地，希臘風車 + 橄欖田打卡，可選購橄欖系列特產

✅二十四隻眼睛電影村｜重現昭和電影場景，木造校舍充滿懷舊氛圍

✅小豆島大觀音｜50 米巨型觀音像，展望台俯瞰整片瀨戶內海島嶼風光

✅寒霞溪｜日本三大溪谷，秋日紅葉名所，奇巖山谷景觀震撼；順遊清幽銚子溪

✅自然、浪漫、文藝、觀景一次集齊，適合想遠離都市、放鬆身心嘅旅人

漂浮喺瀨戶內海上嘅小豆島，一向係日劇同電影熱門拍攝地，島上兼具浪漫海岸同壯麗山景，想暫時逃離都市煩囂，呢個一日遊就最適合你，一次盡覽自然風光同文藝打卡景點！由土庄港出發，第一站可先去戀人聖地天使之路。呢條沙洲小路每日只會喺退潮兩次時浮現，連接弁天島同餘島，傳說同心愛嘅人手拖手行過，願望就會成真，呢個充滿神秘感嘅打卡點，亦曾經喺日劇《love letter》入面登場，出發前記得查好潮汐時間，唔好白走一趟。

之後前往小豆島橄欖公園，呢度就係真人版《魔女宅急便》取景地！山丘上希臘風白色風車，係小豆島同希臘姊妹島嘅友誼象徵。島上氣候適合種植橄欖，園內除滿山橄欖樹，仲有各式橄欖油、護膚品同茶葉等特產可以選購，搵支魔法掃，同風車影一輯夢幻相。

繼而走進二十四隻眼睛電影村，還原經典文學改編電影《二十四隻眼睛》嘅拍攝場景。木造校舍、漁民小屋、茶屋同舊物陳列，踏進村內即刻跌入昭和年代，感受故事入面溫柔又動人嘅氛圍，適合慢慢散步感受舊時光。

隨後到訪小豆島大觀音，高達50米嘅巨大觀音像，被譽為世上最美觀音像之一。搭乘電梯登上展望台，無阻礙飽覽小豆島同瀨戶內海連綿島嶼，館內亦收藏大量佛像同藝術品，兼具觀景同文化價值。

行程重點寒霞溪，日本三大溪谷美之一，分表十二景、裡八景，登山道直達小豆島最高峰星ヶ城。秋日紅葉染滿山頭，奇岩配上海景，層次感震撼；順道遊覽銚子溪，感受溪谷清幽靜謐，沉浸喺島上原始自然之中。

由浪漫海岸、文藝電影場景，到壯麗溪谷同宏偉觀音像，一日之內體驗小豆島多元魅力，離開前不妨入手橄欖特產，將瀨戶內海嘅風味帶返屋企。

集合地點