順德長鹿萬聖節 2026 攻略｜動物園 + 機動遊戲 + 鬼迪，親子都啱玩🎃

一、活動基本資訊同入園建議

• 活動期：10 月 10 日 —11 月 1 日，只係周五、六、日開放萬聖夜場

• 入園策略：想睇動物、玩機動遊戲同劇場，建議日頭入園，動物大約 18:00 就會收工；淨係想玩萬聖夜場，15:00 之後先入園就得。

特色：長鹿萬聖唔走重恐怖風，結合嶺南水鄉、動物園、機動樂園、鬼屋同鬼迪，驚喜得嚟唔會太嚇人，親子家庭都適合。

二、日間行程：動物、機動遊戲、表演一次過

上午｜童話動物王國

可以親手餵長頸鹿、羊駝、大象同火烈鳥，順便睇海陆空動物劇場。

【景點門票】長鹿休博園-地球村大馬戲觀演套票【入園觀光票+動物園+地球村.幻秀表演+礦洞海洋館+海陸空劇場/魔法森林劇場/童話動物劇場/5D影院/長鹿科技館五選二】

18:00前可訂今天

HKD 76 起

預訂

【景點門票】長鹿休博園-機動觀演套票【入園觀光票+地球村.幻秀表演+280 遊樂金+動物園+礦洞海洋館+5D影院/飛翔影院/長鹿科技館三選一】

18:00前可訂今天

HKD 109 起

預訂

下午｜大馬戲、機動遊戲同室內景點

14:00 必睇《地球村・幻秀大馬戲》。

• 刺激之選：魔環垂直過山車、大擺錘、太空梭

• 親子之選：摩天輪、旋轉木馬、碰碰車

天氣熱可以入礦洞海洋館同冰雪館避暑：海洋館行海底隧道，有機會睇美人魚表演；冰雪館可以打雪仗、玩冰滑梯，小朋友最鍾意。 另外日間仲有市井雜技賣貨郎、水上飛人、粵韻不倒翁等巡遊表演，記得睇準時間。

三、夜場萬聖時間表｜重頭狂歡

17:00｜可以喺園內化鬼馬妝或者揀面具 

17:30｜歡樂島廣場：百鬼迎賓，吸血鬼、巨人惡魔、小丑、章魚船長、無頭先生、小倩等 NPC 一齊跳舞互動 

18:00｜闖鬼門關，奈何橋品孟婆湯 

18:15｜水雲間，同神婆一齊打小人 

18:30｜公仔舞台、榕樹頭：貞子主題場景、榕樹頭講鬼古 

19:00｜百鳥天堂中式倩女幽魂主題區打卡 

19:30｜鬼屋開放：哥德堡號、奪魂醫院、生化危機、封門村古宅、5D 太平放映間，膽大可以逐間挑戰 

20:30｜歡樂島、野人山廣場：電音鬼迪同巡遊，全場氣氛高漲 

21:00 之後｜猛鬼街、奇幻穿梭車，隨時有 NPC 突臉互動，唔好單獨行

四、泊車資訊同出行 Tips

泊車收費

16:00 前：5 蚊 / 小時；16:00 之後：2.5 蚊 / 小時，全日封頂 20 蚊。

• 位置：佛山順德，由广佛出發大約 1 小時車程，香港出發可以搭跨境交通過去順德，安排一日輕旅行。

• 親子提示：細路膽細嘅話，可以避開鬼屋，淨係睇巡遊、影相感受節日氣氛。

• 夜場人流多，熱門鬼屋要排隊，可以合理分配時間。