環南昆山羅浮山越野路線｜廣東 218 最美公路兩日一夜自駕攻略

環南昆山 - 羅浮山越野路線地圖！ 一對 90 後情侶週末兩日一夜，由佛山出發，挑戰廣東 218 最美公路，即刻出發！

source：波妞愛生活（小紅書賬號）

【酒店套票】惠州龍門南昆山雲頂溫泉威士忌酒店【雙人·早餐+自助晚餐+無限次溫泉+瑪雅水寨】

18:00前可訂今天

HKD 962 起

預訂

📍佛山 — 218 公路 0 公里起點（130KM） 好多人會揀機車夢驛站打卡 0 公里標記；如果唔係摩友、怕人多尷尬，可以導航去羅浮山天若有情茶吧，呢度有大型打卡牆。

📍天若有情茶吧 — 下浪溪畔驛站（8KM） 水上露營地，溪水唔深，小朋友可以安全玩水。

📍下浪溪畔驛站 — 顯崗水庫驛站（9KM） 被稱為廣東小洱海，可以租單車遊覽，亦適合步行慢遊。

📍顯崗水庫驛站 — 綠屏石灘驛站（10KM） 懸空「甜甜圈」大型觀景環，高 16 米，360 度無死角睇風景。

📍綠屏石灘驛站 — 千年古榕樹驛站（14KM） 惠州歷史悠久嘅古榕，歷經歲月依然枝繁葉茂，係沿途特色打卡位。

📍千年古榕樹驛站 — 十三壩驛站（14KM） 溪水清澈、竹林茂密，仲有古樸石橋，天然大氧吧，適合停留影相。

📍十三壩驛站 — 永漢河驛站（21KM） 摩友熱門補給站，停車場設電動車充電樁。入夜後咖啡店會轉到戶外營業，巨型機車頭盔裝置打卡一流。

📍永漢鎮 — 南昆山山門石刻（17KM） 南昆山地標大石，建議喺呢度打卡「南昆山，我來了」。

📍南昆山山門石刻 — 天寶石（2.5KM） 山門石刻對面岔路前行約 2.5KM，就會見到懸空奇石，係 218 公路必到景點。

📍天寶石 — 半山雲海驛站（8KM） 攝影發燒友聖地，適合拍雲海。建議揀清晨或者雨後到訪，遇見雲海機會更高。

📍半山雲海驛站 — 西溪驛站（33KM） 打卡 300 幾年楓香古樹；呢度溪水較深，唔適合落水玩，但附近有好多地道農家菜館。

📍西溪驛站 — 218 網紅坡（6KM） 人氣 S 型彎道，好多人專程嚟影相，亦可以搵當地攝影師收費影相。

📍218 網紅坡 — 沙徑碧道驛站（6KM） 蜂巢設計民宿，大落地玻璃窗同綠意庭院，環境寫意。

📍沙徑碧道驛站 — 香溪灣驛站（2.5KM） 錯過網紅 S 彎嘅朋友，可以喺呢度補返打卡相。

📍香溪灣驛 — 長亭驛站（5.8KM） 臨江觀景，可體驗水上活動，場內設餐廳同咖啡店。

去到呢度，218 最美公路行程就完結！沿線食宿配套齊全，路上有鐵騎巡邏，人流多嘅景點亦會有警察維持秩序，安全性唔錯。

港澳旅客實用貼士

▪️全程建議自駕，路段彎道多，小心駕駛；假日車流量大，預留多啲行車時間 

▪️半山雲海驛站雲海可遇不可求，雨後同清晨機會最高 

▪️永漢河驛站有電車充電樁，電動車旅客可以規劃喺呢度補電 

▪️部分溪水區域水深有差異，帶小朋友玩水要時刻睇實，注意安全 

▪️沿途多農莊同驛站咖啡店，中途補給好方便