周六日去珠海長隆/度假？2026港珠澳大橋巴士vs九州港客船全攻略，帶娃咁去最輕松！

點贊

出發碼頭香港港澳碼頭

到達碼頭珠海九洲港

HKD200

預訂

出發碼頭香港中港城碼頭

到達碼頭珠海九洲港

HKD170

預訂

每逢週末想帶小朋友去珠海長隆放電，好多家長第一時間頭痛嘅唔係門票，而係交通點安排先唔會攰死自己。拖住BB車、背住媽媽袋，最怕就係喺口岸排長龍、上上落落轉車，未入到樂園已經冇曬電。2026年香港去珠海，主要有兩條路線：港珠澳大橋跨境巴士同九州港客船。以下逐項拆解，幫你揀到最啱帶娃嘅方案。

一、港珠澳大橋跨境巴士：上車點多、性價比高

1.基本玩法

呢個方案分兩段：先搭金巴（港珠澳大橋穿梭巴士）過橋，到珠海口岸後再轉車去長隆。

金巴票價（港幣）：

成人日間：HK$65（06:00–23:59）

成人夜間：HK$70（00:00–05:59）

兒童（3歲以上至12歲以下）、長者：**HK$33**（日間）／HK$35（夜間）

未滿3歲或身高不足0.9米：免費

車程約35至40分鐘，日間繁忙時段每5至10分鐘一班，基本上「地鐵咁密」，唔使擔心等好耐。

2.帶娃要留意嘅位

好處：

上車點極多：港九新界都有跨境巴士站點，部分路線仲可以直接喺鑽石山、觀塘APM、葵芳、旺角油麻地、尖沙咀中港城、荃灣如心廣場等地上車。如果你住呢啲區域附近，帶住小朋友唔使特登跨區去碼頭，慳返唔少的士錢同時間。

金巴24小時營運：就算玩到夜一夜，都唔怕冇車返香港。

票價平：一家三口來回都係幾百蚊落樓。

伏位（帶娃一定要諗）：

珠海口岸轉車係痛點。金巴只到珠海口岸，之後要去長隆，要嘛搭的士／網約車（約40-55蚊人民幣），要嘛搭橫琴長隆專線，要嘛巴士轉公交。拖住BB車帶住細路，喺口岸搵車、上落行李，其實幾攰。

過關要落車兩次：香港口岸出境一次，珠海口岸入境一次。小朋友細嘅話，抱上抱落都係體力活。

出發城市香港

到達城市珠海

HKD104

預訂

二、九州港客船：一程坐到底，帶娃最舒服

1.基本玩法

從香港中港城碼頭或上環港澳碼頭上船，直達珠海九州港。

船票價格（單程）：

中港城碼頭出發：約HK$170

上環港澳碼頭出發：約HK$200

航程：約70至90分鐘（直航約70分鐘）。

班次：每日約7班，覆蓋早上至晚上。

2.帶娃要留意嘅位

好處（真係好處）：

全程有得坐。由香港碼頭上船開始，到落船為止，小朋友可以一直坐喺位度睇卡通、食零食、瞓覺，唔使中途落車過關再上車。對於好動嘅小朋友嚟講，坐船反而冇巴士咁侷促。

水路口岸人流少。唔使同人迫陸路口岸，過關壓力細好多，帶住BB車都冇咁狼狽。

到達珠海後離長隆更近。九州港位於珠海市區，去長隆（橫琴）嘅車程比的珠海口岸過去更順路，網約車約40-55蚊人民幣，一家人一架車啱啱好。

伏位：

上船點集中喺尖沙咀或上環。如果你住新界東或九龍東，要特登出到尖沙咀或者上環先搭到船，出發前嘅交通時間要計埋。

航班有限。每日得7班左右，旺季好易滿，一定要提前訂票。

票價貴過金巴。一家四口來回，船票成本明顯高過巴士。

三、兩大方案快速對比

對比項	港珠澳大橋巴士	九洲港客船
上車/上船點	港九新界多區	尖沙咀中港城或上環
過關方式	落車兩次（港珠→珠海）	碼頭一次過
車程/航程	金巴35-40分鐘 + 口岸轉車	約70-90分鐘
票價（成人單程）	金巴HK$65起	HK$170起
帶娃舒適度	中（要轉車搬行李）	高（全程坐住唔使搬）
靈活性	高（24小時、班次密）	中（每日約7班）
適合邊種家庭	住九龍新界、預算優先	住港島/尖沙咀、想舒服優先