臺北高雄臺中新百貨登場！2026全臺必去大型商場與購物中心亮點

【休閒體驗】高雄｜蒸輕松汗蒸文化｜汗蒸幕＆按摩體驗

23:59前可訂今天

HKD 84 起

預訂

【車票】高雄樂遊套票

23:59前可訂今天

HKD 127 起

預訂

近年去臺灣旅行，除了行夜市同食美食之外，又多咗唔少全新嘅大型購物好去處。2025年經已有多間百貨開幕，而來到2026年，全臺北中南仲會迎嚟3間備受矚目嘅全新百貨同商場隆重登場。如果你計劃去臺灣旅行，不妨將呢幾間即將開幕或者已經登場嘅新地標加入行程入面，感受一下當地最新嘅購物熱潮。

遠東Garden City商場棟：台北信義區大巨蛋最後一塊拼圖

臺北大巨蛋嘅發展一直備受關注，隨著一樓食尚庭園、遠東Garden City地下美食街花園綠廊同埋影城棟陸續同大家見面，最後一塊重要拼圖「商場棟」亦預計喺2026年第一季正式開幕。

隨著SOGO敦化店喺2025年12月熄燈，部分過往深受大家喜愛嘅精品專櫃將會進駐遠東Garden City商場棟。除此之外，場內亦會引入米其林一星牛排館A Cut，以及漢來美食尚未曝光嘅全新餐飲品牌，為鍾意食好嘢嘅旅客提供更多選擇。至於遠東Garden City影城棟嘅一樓光之花園已於2025年9月開幕，二樓至五樓嘅大巨蛋秀泰亦已於2025年10月投入服務，而尚未開放嘅六樓則會由整層餐飲集團進駐，預計將會喺明年正式亮相，令整個大巨蛋生活圈更加完整。

台中漢神洲際購物中心：北臺中首座大型購物商場

如果今次行程係去台中，咁就絕對唔可以錯過位於北臺中、鄰近洲際棒球場嘅台中漢神洲際購物中心。呢個係北台中市區首座大型購物商場，總面積大約有6.6萬坪，規劃左地下4層同地上7層。

商場特別規劃咗台中市區最大規模嘅停車場，提供大約6,500個汽機車停車空間，當中包含大約2,500個汽車停車位同約4,000個機車停車位，方便自駕或者搭車前來嘅旅客。商場入面引進咗電影院，以及近500家品牌與美食，陣容相當鼎盛。其中包括漢來美食旗下全台最難訂位嘅Buffet「島語」、粵菜品牌「名人坊」、初魚集團全台首櫃高級餐廳、屋馬集團全台首櫃全新業態餐廳、金色三麥集團運動酒吧全新型態台中首櫃，以及馬辣集團時尚火鍋餐酒館台中首櫃等，絕對係北台中全新嘅消閒熱點。

高雄LaLaport：鳳山首度有大型購物中心進駐

三井不動産集團喺台灣陸續開設多個據點，繼林口、台中港、台南嘅OUTLET，以及台中、南港嘅LaLaport之後，全台第三座Mitsui Shopping Park LaLaport進一步前進高雄，呢個亦係鳳山首度有大型購物中心進駐。基地面積達到13,000坪，樓高地上6樓、地下2樓。

高雄LaLaport大約有270間專櫃進駐，規劃咗國際性流行品牌、日系排隊美食、國內外知名餐飲品牌、生活消費性品牌以及大型娛樂設施，全面滿足日常所需同購物意欲。

高雄LaLaport最大嘅亮點，就係引進咗全球最受歡迎嘅沉浸式藝術先驅ARTE MUSEUM。場地透過震撼嘅視覺影像、聲音效果，以及同作品相呼應嘅專屬香氛設計，結合細膩嘅空間規劃，帶領觀眾徜徉於壯麗山川、浩瀚海洋與奇幻自然之中，彷彿走進一場超越現實嘅感官旅程，非常適合鍾意打卡同欣賞藝術嘅旅客。

實用貼士

* 遠東Garden City商場棟：位於台北大巨蛋，商場棟預計2026年第一季開幕，部分SOGO敦化店專櫃及米其林一星牛排館A Cut將進駐。

* 台中漢神洲際購物中心：鄰近洲際棒球場，預計最快2026年上半年開幕，設有大型停車場及近500家品牌。

* 高雄LaLaport：位於高雄鳳山，預計2026年開幕，設有約270間專櫃，並引入全台首座沉浸式藝術先驅ARTE MUSEUM。

【車票】高雄樂遊套票

23:59前可訂今天

HKD 127 起

預訂

【車票】高雄｜海上巴士

23:59前可訂今天

HKD 11 起

預訂