韓國仁川鹹樸村美食攻略｜4大中亞烏茲別克地道異國餐廳推介

點贊

仁川美食鹹樸村中亞美食

去韓國旅遊除咗食韓式燒肉、炸雞同雪濃湯之外，想試嚇完全唔同嘅異國風情？距離首爾唔算遠嘅仁川延壽區鹹樸村（Hambak Village），近年聚集咗好多中亞地區嘅外籍人士與高麗人，發展成一個充滿中亞色彩嘅特色美食聚落。走入鹹樸村，四周都係異國文字同香料飄香，簡直好似秒飛烏茲別克同中亞街頭一樣！今次特別精選 4 間人氣極高嘅中亞傳統餐廳與烘焙店，由炭火烤羊肉串、香濃牛肉麵到現烤火爐麵包應有盡有，去仁川自由行記得要去尋味！

1. 中亞美食入門首選：Chaihana（차이하나）

講到鹹樸村最出名、最受歡迎嘅中亞餐廳，肯定係 Chaihana！佢喺村內設有總店同 2 號店，雖然店內大部分都係外國顧客，氣氛非常有異地感，但完全唔洗擔心點餐問題。店員識講韓文之餘，仲提供韓文菜單，對第一次接觸中亞菜嘅遊客嚟講非常友善。

嚟到 Chaihana，一定要試佢哋嘅招牌中亞傳統烤肉串「Sashlik」（샤슬릭）。一份有五大件巨型羊肉，肉質先經過特製香料醬汁醃製，烤出嚟肉質非常鬆軟，完全冇羶味且香氣濃鬱。另一道必食之選係烏茲別克傳統牛肉抓飯（Plov），粒粒分明嘅米飯吸收咗牛肉精華，上面鋪滿厚切牛肉、黃瓜、番茄同鵪鶉蛋，風味同一般韓式或西式炒飯完全唔同，層次極之豐富。

如果擔心香料味太重食唔慣，強烈推薦你點「Kuksi」（국시）牛肉湯麵。這道菜源自高麗人傳統料理，口味同東亞飲食文化好接近。配料有蛋絲、肉絲同黃瓜，賣相好似韓式温面或雜菜，清爽嘅湯底加上少許辣油，酸辣開胃又順口，非常符合香港人嘅口味！

【1日遊線路】首爾夜間之旅：昌慶宮、廣藏市場、駱山公園

可預訂2026-09-17

HKD 211 起

預訂

2. 尋找烏茲別克原汁原味：Shosh（쇼쉬）

餐廳名字「Shosh」源自烏茲別克首都塔什干（Tashkent）嘅古名，顧名思義係一間以主打烏茲別克地道傳統風味為賣點嘅餐廳。雖然呢度嘅店員韓文未必好流利，但正正係呢種純粹嘅異國氛圍，令你有種真係去咗烏茲別克旅行嘅錯覺！

想品嚐最道地嘅烏茲別克風味，首推傳統麵食「Lagman」（라그만）。雖然中亞各地都有呢道麵食，但烏茲別克式嘅 Lagman 麵條特別彈牙有咬勁，搭配滲透咗濃鬱香料精華嘅醬汁、嫩肉同大量蔬菜，味道濃鬱深厚，令人一食難忘。

食量大嘅朋友可以搭配「羊腿肉炒飯」，大份炒飯加上香脆薯條同埋一整塊巨型羊腿肉，份量十足！另外仲可以試嚇中亞傳統餡餅「Samsa」（삼사），呢款餡餅係將切碎嘅羊肉同洋葱包入酥皮入面，再放入傳統泥爐（Tandoor）高温烘烤，外皮酥脆卡吱響，內裏肉汁滿溢。Shosh 嘅肉質選料好好，肉質結實得嚟完全唔會難咬，食落非常過癮。

3. 現烤炭火串燒美味：Ikhlas（이흘라스）

喺鹹樸村街頭行行嚇，如果見到一間窄窄地嘅店面門口聚集咗好多外國人，咁多數就係 Ikhlas 喇！雖然呢度係由老闆一個人獨自經營嘅精緻小店，但佢喺當地高麗人圈子入面，係公認食 Samsa 餡餅同烤肉串嘅頂級名店，門口經常人頭攢動。

一入到店內，最吸睛嘅就係大型玻璃展櫃，入面整整齊齊咁堆疊住各式醃製好嘅肉串，包括雞肉、牛肉、豬肉同羊肉，任君選擇。所有肉串都係即點即用炭火現烤，雖然需要耐心等候少許時間，但炭香味十足，等候絕對係值得嘅！

如果你運氣好，仲可以遇到剛剛出爐嘅熱辣辣 Samsa 餡餅。一般嘅 Samsa 多數係圓形或三角形，但 Ikhlas 嘅 Samsa 卻係獨特嘅大水滴形狀，烤至金黃深褐色，表面刷上亮澤油脂，賣相極之吸引。裡面塞滿咗香濃肉餡，食一個就已經非常有飽腹感！

【景點門票】啵樂樂 & 太友仁川月尾島主題公園入場券

可預訂明天

HKD 140 起

預訂

4. 傳統泥爐純粹麥香：Tandir House（탄드르 하우스）

Tandir House 係一間專門使用烏茲別克傳統高温泥爐（Tandoor）烘培麵包嘅特色餅店。雖然中亞同俄羅斯風格嘅麵包外表通常比較大個、看起來樸實無華，但佢哋憑藉單純清香與極具彈性嘅口感，吸引咗大量忠實粉絲。直接食可以當正餐主食，蘸少許果醬或蜂蜜又可以秒變精緻甜品。呢度嘅麵包標榜 100% 全天然原料製作，食完落胃非常舒服，唔少客人甚至會特意訂購外賣快遞。

嚟到呢度必買烏茲別克傳統泥爐烤餅「Patyr」（파트르）。呢款麵包體積大而厚實，中間壓有精美嘅傳統花紋，外觀非常具異國特色。食落口感似貝果般紮實有嚼勁，表面灑滿芝麻，入口滿嘴爆香。建議帶返酒店後，用 180℃ 烤箱加熱約 5 分鐘，即可還原剛出爐時外酥內軟嘅極致風味！

另外一款熱門推薦係俄式長棍麵包「Baton」（바톤빵）。佢同常見嘅法式長棍唔同，外形較短圓，上面劃有深度切口。外皮保持酥脆，但內裏卻非常軟綿蓬鬆，非常容易入口。店內仲有售賣 Kefir 同 Ayran 等帶有微酸滋味嘅傳統發酵乳飲品，配埋麵包一齊食超解膩！