話咁快又到春暖花開嘅季節，打算春季去京都自由行嘅朋友注意喇！如果身邊有極度鍾意食烤番薯、番薯甜品嘅「番薯控」，就絕對唔可以錯過即將喺2026年3月下旬登場嘅美食盛會——「京都番薯大作戰2026」（京都おいも大作戦2026）！

18:00前可訂明天

HKD 27 起

預訂

15:00前可訂今天

HKD 1041 起

預訂

呢個一年一度嘅番薯嘉年華會，現場會集結多間人氣番薯專門店，提供各式各樣嘅創意番薯美食，由熱辣辣嘅傳統烤番薯到精緻嘅甜品應有盡有。重點係活動免費入場，落車行兩步就到，好適合一家大小或者同閨密一齊去行下食下！

春日美食盛會！「京都番薯大作戰2026」限時4天登場

今次嘅「京都番薯大作戰2026」將會喺2026年3月26日（星期四）至3月29日（星期日）一連四日舉行。每日營業時間由上午10點一直到夜晚7點，時間相當充裕，無論係想早少少去食個早午餐，定係下晝去食個滋味下午茶都完全冇問題！

活動舉辦地點位於京都人氣綠地「梅小路公園」，呢度平時已經係當地人同旅客野餐、散步嘅好去處。春季造訪，除咗可以品嚐到濃鬱香甜嘅番薯美食之外，仲可以順便感受京都春日嘅户外悠閒氣氛，一次過滿足視覺同味蕾！

交通極之方便！JR車站一出即達

好多人去京都玩最怕交通複雜，但今次活動嘅地點可謂超級方便！會場梅小路公園就位於JR「梅小路京都西站」正前方，搭JR列車到達之後，一出站步行幾秒鐘就已經到達公園範圍，完全唔洗擔心識唔識路或者要行好遠，就算帶住老人家或者小朋友都輕鬆無壓力。

公園周邊仲有京都水族館同京都鐵道博物館等熱門景點，建議大家可以排入一日遊行程，早上下午去景點參觀，中間時間就去番薯大作戰會場掃街食美食！

1. 建議乘搭公共交通工具：會場梅小路公園不設專用停車場，加上活動期間人流較多，強烈建議大家利用JR等公共交通工具前往，既省時又方便。

2. 入場費用：活動為免費入場，會場內購買食物及飲品需另行付費。

3. 留意最新消息：活動現場攤位內容或營業時間有可能根據當日情況有所變動，出發前建議先留意官方公佈。

4. 自備餐具或紙巾：由於係户外美食活動，建議自備濕紙巾同小袋子方便清理食物包裝，保持環境清潔。

* 活動名稱：京都番薯大作戰2026（京都おいも大作戦2026）

* 舉辦日期：2026年3月26日（木/星期四）～ 2026年3月29日（日/星期日）

* 營業時間：10:00 ～ 19:00

* 入場費：免費入場

* 地點：梅小路公園（JR梅小路京都西站前）

* 地址：京都府京都市下京區観喜寺町56-3

* 交通：JR「梅小路京都西站」落車即達

* 泊車資訊：不設停車場