2026台灣賞楓大盤點一文看懂

一年一度的臺灣賞楓盛宴即將到來，你是不是還在想什麼時候去呢？哪裡是最佳地點呢？而在猶豫不決，不必糾結，跟著小編的步伐，帶你一起盤點這份臺灣獨家賞楓攻略，總有一款適合你！

一、2026台灣賞楓黃金期

台灣楓葉唔係全島同一日紅㗎！海拔越高紅得越早，我整理咗份「懶人時間表」，

照住呢個時段去，包你見到滿山紅葉，唔會撲空！

 低海拔（台北/桃園/新竹）11月底 – 12月中 近機場最就腳，落機直去都得，適合短假期。

 中海拔（清境/合歡山/太平山/武陵）11月中 – 翌年1月中

 呢區係「正餐」！楓紅+雲海，但山路多，建議包車或搭台灣好行。

 高海拔（合歡主峰/雪山） 10月中 – 12月初

 最早紅嘅區域，但天氣凍，要去嘅要帶足羽絨。

 宜蘭/花蓮（太魯閣/南澳）11月底 – 翌年1月底

 東部景色闊落，配合海岸公路，影相超有層次。

 南部（阿里山/高雄山區）12月底 – 翌年1月初

 南部人嘅主場！配合聖誕/新年假去最啱。

⚠️ 溫馨提示：以上係根據往年數據推算，出發前記得睇埋即時楓況報導呀！

【景點門票】臺北｜經典一日遊

可預訂2026-08-06

HKD 54 起

預訂

二、必去賞楓景點 

TOP 1：阿里山森林遊樂區

講到台灣賞楓，唔去阿里山就好似去旺角唔經西洋菜街咁失禮！

📍 最佳時段：11月 – 翌年1月

📍 地址：嘉義縣阿里山鄉中正村59號

🍁 點解咁正？

阿里山絕對係賞楓界嘅「大哥大」。成個山頭俾紅葉染到一片火紅，靚到窒息。

小笠原山觀景台：入選「阿里山新八景」，呢度係必去打卡位！紅葉配埋翻騰嘅雲海，真係好似置身仙境咁。

其他靚位：祝山車站、慈雲寺、沼平公園、高岳車站。行一步影一張相，張張都係桌面級大片。

💡溫馨提示：

阿里山凌晨好凍，就算係12月都可能有10度以下，記得帶備發熱衣同手套。

另外，如果想搭觀日列車，記得提早喺網上訂飛，現場排隊好易撲空㗎！

【景點門票】阿里山國家森林遊樂區門票

18:00前可訂今天

HKD 83 起

預訂

▲阿里山紅楓

Top2 清境農場

📍 最佳時段：12月中 – 12月底

📍 地址：南投縣仁愛鄉大同村仁和路170號

🍁 點解咁正？

清境唔止有「綿羊秀」同草原，12月仲會變身楓葉王國！

異國風小屋俾火紅楓葉襯到好似歐洲山城咁，影相根本唔使濾鏡。

行到頂位遠眺，層林盡染配山景，靚到癲。隔離嘅小瑞士花園一定要去，花卉+歐式建築+楓紅三重疊，情侶打卡一流。

💡溫馨提示：

清境海拔約1700米，12月夜晚可以跌到5度以下，帶羽絨唔好省。

從臺北出發搭「臺灣好行」清境線最穩，自駕嘅話山路多彎，夜間唔建議開。

【景點門票】南投｜半山夢工廠｜生命樹環樹步道｜全票・優待票

可預訂明天

HKD 33 起

預訂

▲清境農場

Top3 武陵農場

📍 最佳時段：11月 – 12月

📍 地址：臺中市和平區武陵路3-1號

🍁 點解咁正？

武陵係「臺灣九寨溝」，800公頃大山谷入面，青楓、楓香、銀杏、落羽松一齊轉色，金紅交錯好似打翻調色盤。

武陵賓館後山小木屋區係公認最靚位，金色銀杏大道踩落去好似去緊北海道。

順帶一提，9–11月仲有杭菊海，春天有櫻花，四季都唔會白去。

💡溫馨提示：

武陵喺雪霸國家公園入面，公共交通麻煩，最慳心辦法係報臺北出發嘅一日/兩日追楓團，或者包車。

住宿（國民賓館/富野）旺季要提早1–2個月訂，現場肯定滿。

【普通租車服務】城市私人接送：臺中／南投清境

17:00前可訂明天

HKD 55 起

預訂

▲臺中武陵農場

Top4 臺北奧萬大樂活莊園

📍 最佳時段：11月底 – 翌年5月（秋楓 + 春楓新芽）

📍 地址：臺北市士林區平菁街10巷13號

🍁 點解咁正？

唔使飛南投！臺北陽明山就有一個「奧萬大」，歐式庭園+楓樹品種特別，

秋天睇落葉楓紅，春天（3–5月）仲可以睇楓葉發新芽嘅嫩紅，一年兩次賞楓期，抵到盡。

5、6月仲有繡球花季，係臺北人嘅後花園。落機當日就可以去，最啱短假期。

💡溫馨提示：

捷運劍潭站或士林站轉303公車到「下過溪站」就到，半日就搞掂。

星期三公休，唔好撲空。門票約250臺幣，當入去食個下午茶hea吓都值。

▲臺北奧萬大樂活莊園

Top5 汐止拱北殿

📍 最佳時段：12月中下旬 – 1月初

📍 地址：新北市汐止區汐萬路三段88號

🍁 點解咁正？

百幾年歷史嘅小眾廟宇，周邊上百棵楓樹+日式造景，紅葉配石燈籠、雙拱橋，恍如去咗京都嵐山。

唔算熱門景點，人少靜啲，適合想避開人嘅。

【景點門票】新北野柳地質公園門票

18:00前可訂今天

HKD 29 起

預訂

💡溫馨提示：

從臺北車站搭火車去汐止站，再轉的士或巴士入去約15分鐘。雙拱橋位係公認最靚機位，朝早9點前光線最柔，影人像超正。

▲汐止拱北殿

Top6 關子嶺紅葉公園

📍 最佳時段：12月中下旬

📍 地址：臺南市白河區關仔嶺溫泉區紅葉公園

🍁 點解咁正？

坐落枕頭山（海拔334米），楓樹+槭樹紅黃交織，仲係全臺紫斑蝶生態最豐富嘅地方之一，

春夏季賞蝶、秋冬賞楓。最殺著係——行完楓落去就係關子嶺泥漿溫泉，

全臺唯一稀有色溫泉，浸完再賞楓，南部行程最Chill嘅一日。

💡溫馨提示：

從臺南市區搭新營客運黃12/13線到「寶泉橋」站落車行入去。

12月中下旬週末會逼，想靜啲揀平日。記得帶泳衣，溫泉區唔會提供。

【景點門票】臺南關子嶺：儷泉溫泉館 - 雙人湯屋・客房泡湯

可預訂明天

HKD 550 起

預訂

▲關子嶺紅葉公園

🍁 總結：北部的奧萬大、拱北殿就腳；中部清境、武陵要預一日；

南部關子嶺可以夾埋臺南/高雄行程一齊玩。不妨現在就聯繫我們，收穫一場難玩的臺灣賞楓之旅！